Shefi i Grupit Parlamentar të Aleancës për Ardhmërinë e Kosovës Besnik Tahiri, ka reaguar ndaj Kryeministrit të Republikës së Kosovës Albin Kurtit, pas takimit me deputeten e Parlamentit Evropian Viola von Cramon, duke thënë se ajo e dëgjoi Kurtin në takim, ajo ka shumë informata, dhe nuk i blenë këto fraza koti, përcjell InLajmi.
Tahiri pyeti se për çfarë qeverisje të mirë po flasim, ku pastaj përmendi se Kosova është vendi me pagat më të ulëta e me çmimet më të larta të energjisë elektrike, qytetarët ende nuk kanë sigurim shëndetësor, niveli i arritshmërisë sipas PISA është më i ulëti në rajon.
Tutje ai përmendi edhe se gjatë kësaj qeverie nuk është realizuar asnjë projekt dhe investim i huaj strategjik, sanksionet dhe heqja e vizave janë ende kryefjala në qeveri, lidershipi shpenzon 3 vite vendnumëro në rrafshin ndërkombëtar dhe në dialog, e kauzë politike.
Postimi i plotë i tij:
Për çfarë qeverisje të mirë po flasim?
- Vendi me pagat më të ulëta e me çmimet më të larta të energjisë elektrike;
- Vendi me pensione të nivelit të asistencës sociale;
- Vendi me pagën minimale më të ulët 170 euro në rajon, e që nuk ka fuqi punëmarrëse në treg;
- Vendi ku investimet kapitale prej buxhetit të shtetit me rreth 60% janë orientuar në 4 komuna të partisë në pushtet, të cilat mbulojnë vetëm 15% të territorit dhe 12% të popullsisë;
- Vendi i vetëm në rajon ku qytetarët ende nuk kanë sigurim shëndetësor;
- Ku niveli i arritshmërisë sipas PISA është më i ulëti në rajon;
- Ku nuk është realizuar asnjë projekt dhe investim i huaj strategjik;
- Ku lidershipi shpenzon 3 vite vendnumëro në rrafshin ndërkombëtar dhe në dialog, e kauzë politike e ka pasur platformën ‘Jo-Negociata’;
- Ku sanksionet dhe heqja e vizave janë ende kryefjala në qeveri;
- Ku nuk ka asnjë ligj vital, i cili nuk synon rrëzimin e ndarjes së pushteteve, politizimin, dhe shkeljen e të drejtave fundamentale, e për rrjedhojë bien të gjitha në vlerësimin kushtetues.
Deputetja e parlamentit evropian, Viola von Cramon, ju dëgjoi mbrëmë në takim, ndoshta edhe e ka pa kumtesën për media nga kryeministria, por mos harroni, ajo ka shumë informata, dhe nuk i blenë këto fraza koti! /InLajmi/
