Një banesë është përfshirë nga flakët mëngjesin e sotëm në fshatin Kodhel të Lezhës, por fatmirësisht ka pasur vetëm dëme materiale.
Në momentin që ka rënë zjarri në banesë ndodheshin 4 persona, ndërsa kryefamiljari, Landi Marku, kishte dale për punë.
Gjithçka që ishte brenda është djegur, ndërsa dyshohet se shkak ka qenë një shkëndijë elektrike.
Zjarri është parë nga djali i madh që ka zgjuar nënën dhe 2 motrat, dhe më pas kanë dalë menjëherë nga shtëpia, shkruan TopChannel.
Gazetarja Brixhilda Deda raporton se djali ka mbetur i lënduar teksa nxirrte më të vegjlit e shtëpisë, por fatmirësisht janë vetëm djegie të vogla.
