Ish-kryeministri i Kosovës Isa Mustafa ka kritikuar raportuesen për Kosovën në Parlamentin Evropian, Viola von Cramon duke thënë se ajo e mbajti lartë flamurin e Vetëvendosjes, përcjell InLajmi.
Mustafa u shpreh duke thënë se nuk e di Cramon a është raportuese e VV-së apo e shtetit që VV synon çdo ditë ta shndërrojë në diktaturë.
Ai tha se jashtë çdo norme normale, me subjektivizëm të pashoq, me përzierje flagrante në relacionet e brendshme partiake e demokratike e me anim të hapur Cramon e mbajti lartë flamurin e Vetëvendosjes, duke atakuar para zgjedhjeve partitë që sot janë në opozitë.
Postimi i plotë i tij:
Po harrojnë ta falënderojnë raportuesen për Kosovën në Parlamentin Evropian, Viola von Cramon, për kontributin e jashtëzakonshëm të saj për ardhjen e VV-së në pushtet. Jashtë çdo norme normale, me subjektivizëm të pashoq, me përzierje flagrante në relacionet e brendshme partiake e demokratike e me anim të hapur, Cramon e mbajti lartë flamurin e Vetëvendosjes, duke atakuar para zgjedhjeve partitë që sot janë në opozitë. Sot nuk e di a është raportuese e VV-së apo e shtetit që VV synon çdo ditë ta shndërrojë në diktaturë?! /InLajmi/
