Kosova është rikthyer në ushtrimet DEFENDER.
Këtë e ka bërë të ditur zëvendësministri i Mbrojtjes, Shemsi Syla.
Ai ka thënë se ushtria e Kosovës në vitin 2025 do të jetë pjesë e “Defender”.
“Në 2025 do jemi pjesë e “Defenderit”, kemi filluar kontaktet, planet dhe përgaditjet”, ka thënë ai shkurtimisht
Kosova nuk mundi të merrte pjesë në stërvitjen më të madhe të aleatëve të NATO-s në Ballkan, e njohur si “Defender Europe ‘23”.
Kjo për shkak, sipas ambasadorit amerikan, Jeff Hovenier të injorimit të këshillave të tyre për të shmangur rritjen e tensioneve në zonën veriore me shumicë serbe, shkruan Front Online.
Ndryshe, në këtë ushtrim marrin pjesë 25 shtete, përfshirë SHBA-në, Francën, Gjermaninë, Spanjën, Mbretërinë e Bashkuar, si dhe shtete tjera anëtare dhe joanëtare të NATO-s.
