Ministri i Bujqësisë, Faton Peci, ka folur mbi Ligjin për Duhanin i cili ndalonte pirjen e duhanit brenda ambienteve të mbyllura.
Peci tha se e ka guximin të iu thotë qytetarëve që nuk mund të përqafojnë vlera evropiane në formë primitive të mënyrës së konsumimit të duhanit.
“Unë e di që jam përballur edhe me një numër të madhe të sharjeve dhe ofendimeve të papara në jetën time kur kam imponuar që inspektorët sanitarë të jenë në ambientet e mbyllura dhe të pamundësojnë, sepse mënyra e konsumimit të duhanit që po shfaqet në vendin tonë, që është dashur të ndalet minimalisht prej vitit 2013 është e pa shpjegueshme”, tha Peci.
Më tej, ai tha se janë realizuar mbi 3 mijë e 300 inspektime në periudhën 6 mujore, ndërsa janë shqiptuar mbi 600 gjoba mandatore.
“Unë personalisht jam ithtar që të shohim masa edhe më rigoroze, por unë do të përdorja goxha të ashpra”, tha Peci, shkruan, KlanKosova.tv.
Peci tha se askush nuk guxon të amnistohet për mosrespektimin e rregullave kundër duhanit.
