Ish-ministri i Jashtëm i Kosovës, Enver Hoxhaj, i emocionuar për vendimin e Emirateve të Bashkuara për heqjen e vizave për qytetarët e Kosovës, shprehet se kjo lëvizje historike tregon për lidhjet e thella mes 2 vendeve, përcjell InLajmi.
Hoxhaj, thekson se Emiratet e Bashkuara Arabe janë aleati më i vjetër i Kosovës në Lindjen e Mesme.
“Lajme emocionuese pasi Kosova dhe Emiratet e Bashkuara Arabe bien dakord të heqin kërkesat për viza, duke nxitur lidhje më të forta dhe duke hapur dyer të reja për njerëzit dhe bizneset. Kjo lëvizje historike pasqyron miqësinë e rrënjosur thellë, pasi Emiratet e Bashkuara Arabe janë aleati më i vjetër dhe më i afërt i Kosovës në Lindjen e Mesme për dekada”, shprehet Hoxhaj.
