Emiratet e Bashkuara Arabe kanë hequr vizat për qytetarët e Kosovës. Lajmi është bërë i ditur të enjten nga presidentja e vendit, Vjosa Osmani e cila falënderoi Emiratet e Bashkuara për këtë vendim, përcjell InLajmi.
Por, hyrja në fuqi e këtij vendimi pritet në ditët në vazhdim, njofton Ambasada e Kosovës në Abu Dhabi, duke kujtuar se qytetarët do të njohtohen me kohë.
Ndryshe Ambasada e Kosovës në Abu Dhabi ka shtuar se deri në hyrjen në fuqi të këtij vendimi, qytetarët e vendit tonë para se të nisen në Emiratet e Bashkuara Arabe janë të obliguar që të pajisen me viza hyrëse.
Njoftimi i plotë i Ambasadës së Kosovës në Abhu Dabi:
NJOFTIM!
Ambasada e Republikës së Kosovës në Abu Dhabi, ka kënaqësinë që të i njoftojë qytetarët e Republikës tonë se, pas vendimit për heqjen vizave, i dalë nga takimi i zhvilluar mes Presidentes së Republikës së Kosovës SHS. Dr. Vjosa Osmani Sadriu, dhe Presidentit të Emirateve të Bashkuara Arabe HH. Sheikh Mohamed bin Zayed Al Nahyan, sot është nënshkruar Marrëveshja e Mirëkuptimit mes Republikës së Kosovës dhe Emirateve të Bashkuara Arabe, për Përjashtimin Reciprok të Kërkesave për Viza Hyrëse në Emiratet e Bashkuara Arabe, për të gjithë qytetarët e vendit tonë bartës të pasaportës së Republikës së Kosovës.
Për datën e hyrjes në fuqi të kësaj Marrëveshjeje, ambasada e jonë do të ju mbanë të informuar në kohë.
Deri atëherë, qytetarët e vendit tonë, para se të nisen në Emiratet e Bashkuara Arabe, janë të obliguar që të pajisen me viza hyrëse./InLajmi/
