Ministrja e Arsimit, Shkencës, Teknologjisë Arbërie Nagavci, eventin përmbyllës të Projektit QATEK ka thënë se është e bindur që mësimdhënësit do të aplikojnë për t’u pajisur me licencë të avancuar, që nënkupton nënshtrimin e testit me shkrim, raporton InLajmi.
“Synojmë që nga qershori i këtij viti do të nisemi edhe për provimin për licencë të avancuar për mësimdhënës si pas kritereve që janë përcaktuar mbi bazën e standardeve profesionale dhe jam e bindur që kemi mësimdhënës që janë të gatshëm të aplikojnë për këtë licencë”, u shpreh Nagavci.
Ajo tha se janë në finalizim të miratim të rregullores për procedurat e përzgjedhjes dhe emërimit të stafit shkollor e cila standardizon procedurën në sektorin publik në sektorin e edukimit.
“Besoj që do të shmang edhe sfidat e vonesat të shumta ne rekrutim të stafit të mësimdhënësve që kanë shkaktuar edhe humbjen e orëve mësimore, ndërkaq kemi filluar edhe rishikimin e teksteve mësimore tashmë i kemi tekstet e gjuhës shqipe dhe të matematikës klasa e parë deri te klasa e 9-të pra për nivelin e obligueshëm shkollor të rishikuara dhe do të fillojmë shumë shpejt me rishikimin e teksteve”, deklaroi ministrja.
Nagavci tha se projekti QATEK synon ngritjen e orientimin e mësimdhënësve në një mësimdhënie cilësore, tutje ajo tha se tashmë kemi miratuar pakon ligjore për licencimin e mësimdhënësve, ku tregoi se kanë licencën e avancuar për të cilën jam e bindur që ka mësimdhënës të cilët do të aplikojnë për këtë licencë.
Ministrja tha angazhimi tyre duhet të jetë edhe pas rezultateve të PISA-së, ku kanë bërë një bashkëpunim me Fakultetin e Edukimit për analizimin e këtyre rezultateve. /InLajmi/