Zëvendësministri Punëve të Brendshme, Blerim Gashani dhe drejtori i Departamentit të Policisë Kufitare Fehmi Xhata me bashkëpunëtorë vizituan Aeroportin Ndërkombëtar të Prishtinës “Adem Jashari”, përcjell InLajmi.
Qëllimi i kësaj vizite ka qenë që për së afërmi të shihet procedura e punës që është duke u kryer nga ana e zyrtarëve policor në kontrollin e dokumenteve si dhe verifikimit të kushteve që janë të parapara të plotësohen, për udhëtim nga shtetasit e RKS-së të cilët janë duke e shfrytëzuar të drejtën e lëvizjes së lirë pa viza.
Po ashtu delegacioni i MPB-së dhe atij të DPK-së kanë zhvilluar një takim edhe me zyrtarin Ambasada Zvicerane, Gabriel Macron, të cilit i janë shprehur falënderimet për bashkëpunim të shkëlqyer me PK-në në aeroport.
Njoftimi i plotë:
Me datë 10.01.2024, në Aeroportin Ndërkombëtar të Prishtinës “Adem Jashari” është realizuar një vizitë nga z.v. ministri i Punëve të Brendshme z.Blerim GASHANI dhe drejtori i Departamentit të Policisë Kufitare të PK-së z.Fehmi XHATA me bashkëpunëtorë.
Qëllimi i kësaj vizite ka qenë që për së afërmi të shihet procedura e punës që është duke u kryer nga ana e zyrtarëve policor në kontrollin e dokumenteve si dhe verifikimit të kushteve që janë të parapara të plotësohen, për udhëtim nga shtetasit e RKS-së të cilët janë duke e shfrytëzuar të drejtën e lëvizjes së lirë pa viza. Po ashtu, gjatë kësaj vizite të realizuar nga delegacioni i MPB-së dhe atij të DPK-së, është zhvilluar një takim edhe me zyrtarin ndërlidhës ALO nga Ambasada Zvicerane z. Gabriel MACRON, të cilit i janë shprehur falënderimet për bashkëpunim të shkëlqyer me PK-në në aeroport, si dhe është inkurajuar rritja e bashkëpunimit në interes të të 2 palëve.
Policia e Kosovës mbetet e përkushtuar në kryerjen e punës me profesionalizëm dhe përkushtim të lartë, me theks të veçantë lëvizjes së shtetasve të RKS-së të cilët shfrytëzojnë lëvizjen e lirë pa viza./InLajmi/
