Ministri i Administratës dhe Pushtetit Lokal Elbert Krasniqi, në konferencë për media tha se janë 4 grupe të qytetarëve në veri që po mbledhin nënshkrime për procesin e shkarkimit të kryetarëve të komunave atje përcjell InLajmi.
Kransiqi ka thënë se nga informacionet që i kanë nga kryesuesit e kuvendeve, të Mitrovicës së Veriut, Leposaviqit dhe Zubin Potokut, me datën 22 dhjetor janë takuar me qytetarë që kanë iniciuar këtë Proces dhe janë autorizuar si palët dhe nga data 22 fillon rrjedhja e afatit.
“Ndërsa për komunën e Zveçanit kemi një situatë tjetër, pasi kryesuesja e Kuvendit s’e ka proceduar tek KQZ kërkesën e qytetarëve. Por siç është paraparë me udhëzim administrative, qytetarët i janë drejtuar MAPL-së dhe KQZ-së dhe kanë pranuar numrin e trupës votuesve në Zveçan dhe 20 % e duhur për të mbledhur nënshkrimet dhe për të procesuar me pjesën tjetër të udhëzimit administrativ”, ka thënë ministri Krasniqi. /InLajmi/
