Të paktën 3 persona kanë vdekur dhe mbi gjysmë milionë shtëpi janë pa energji elektrike që kur në pjesën lindore të Shteteve të Bashkuara dhe në Kanada ka nisur një stuhi vdekjeprurëse.
Stuhia po karakterizohet me tornado, borë dhe përmbytje.
Në Florida, erërat kanë shkaktuar dëme të jashtëzakonshme, duke përmbysur makina dhe duke rrëzuar shtëpi.
Mbi 1.300 fluturime janë anuluar të martën.
Që nga mbrëmja e së martës, më shumë se 630.000 familje nga Florida e deri në Nju Jork kanë mbetur pa energji elektrike.
Dhjetëra qarqe në Florida kanë shpallur gjendje të jashtëzakonshme, shkruan BBC.
Viktima e parë u raportua në Alabama, ku një grua 81 vjeçare vdiq pasi një tornado shpërtheu në atë zone, transmeton IndeksOnline.
Në anën tjetër, 2 viktimat tjera janë nga Karolina e Veriut dhe nga Georgia.
