Bashkësia Islame e Kosovës ka bërë të ditur se Myftiu Naim Tërnava, ndër krerët e delegacioneve të përzgjedhura për Konverencën dhe panairin për shërbimet e Haxhit, ishte edhe i previligjuar duke hyrë në brendësi të Qabës, përcjell InLajmi.
Poashtu krerë e përzgjedhur me ftesë të ministrit të Haxhit, Tevfik Rebiah, mbrëmë pas mesnatës vizituan Mekën e shenjtë ku iu ofrua mundësia ta vizitojnë edhe Xhaminë e Shenjtë, Qabenë.
Sipas BIK duke arritur të hyjë në brendësi të Qabes Tërnava ishte i previligjuar me ç’rast u falën edhe 2 rekate namazi, duke u lutur për mëshirë, mbarësi e mirësi për të gjithë globin
Njoftimi i plotë nga BIK:
Myftiu Tërnava mbrëmë pas mesnatës hyri në brendësi të Qabesë
Krerët e disa delegacioneve të përzgjedhura pjesëmarrës me ftesë të ministrit të Haxhit, z. Tevfik Rebiah, në Konferencën dhe panairin për shërbimet e Haxhit dhe Umres, i cili po mbahet në Xhide të Arabisë Saudite, mbrëmë pas mesnatës vizituan Mekën e shenjtë ku iu ofrua mundësia ta vizitojnë edhe Xhaminë e Shenjtë, Qabenë.
Në mesin e këtyre delegacioneve të përzgjedhura ishte edhe Myfitu i Kosovës, Naim ef. Tërnava, ku në një ambient imanor i mbushur me mallëngjim dhe përulje ndaj Krijuesit Suprem, Allahut xh.sh., u privilegjuan dhe hynë në brendësinë e Qabesë së nderuar. Aty falen 2 rekate namaz nafile, si dhe iu lutën Allahut xh.sh. për mëshirë, mbarësi dhe mirësi për gjithë globin. /InLajmi/
