Kryetari i Prishtinës, Përparim Rama tha se mbi 130.000 qytetarë nga vendet e ndryshme vizituan kryeqytetin për vetëm 10 ditët e fundit të dhjetorit dhe u bënë pjeë e festive në Prishtinë, përcjell InLajmi.
Rama thekson se këtë vit në hapësirat publike, hapësirat e qytetarëve, do të vazhdojnë me intervenimin në shtimin e gjelbërimit, krijimin e këndeve për fëmijë, shtimin e ndriçimit publik dhe rregullimin e disa prej tyre me kalldrëm.
Ai po ashtu shton se do të organizohen festivale, koncerte, lojëra të ndryshme për ti argëtuar qytetarët.
Kreu i kryeqyetit tha se Prishtina u takon qytetarëve.
Postimi i plotë i tij:
PRISHTINA ËSHTË E QYTETARËVE!
Mbi 130 mijë qytetarë, shumë prej tyre vizitorë nga vende të ndryshme, për vetëm 10 ditët e fundit të dhjetorit 2023, u bënë pjesë e festave në Prishtinë.
Sheshet tona, rrugët e lagjet e ndryshme janë mbushur me qytetarë si kurrë më parë. Bisedat me njëri – tjetrin të shoqëruara me kafen, çajin apo verën e ngrohtë nën tingujt e magjishëm të këngëve tona të interpretuara mrekullisht nga artistët tanë, na treguan edhe njëherë se sa i veçantë, vibrant e i ngrohtë është kryeqyteti ynë.
Në Prishtinë, këtë vit në hapësirat publike, hapësirat e qytetarëve, do të vazhdojmë me intervenimin në shtimin e gjelbërimit, krijimin e këndeve për fëmijë, shtimin e ndriçimit publik dhe rregullimin e disa prej tyre me kalldrëm.
Do të organizojmë super festivale, koncerte, lojëra e shumëçka tjetër, për të sjellë momente të veçanta për të gjithë ne, sepse kemi projekte me të cilat do t’ua kthejmë hapësirat publike qytetarëve.
PRISHTINA U TAKON QYTETARËVE! /InLajmi/
