Polumbarët hynë sot në një shpellë 8.2 km në Slloveni në përpjekje për të shpëtuar 5 persona që kanë mbetur të bllokuar që nga e shtuna, tha sot kreu i misionit të shpëtimit.
“Polumbarët po hyjnë brenda dhe shpresojmë se do t’i nxjerrin njerëzit e bllokuar gjatë ditës, e shumta në mbrëmje,” tha Maks Merela, kreu i Njësisë së Kërkimit dhe Shpëtimit të Sllovenisë
Grupi prej 5 personash, një familje prej tre të rriturish dhe 2 të guidave, ishin strehuar në një vend të sigurt në shpellën Krizhna Jama në Slloveninë jugperëndimore, e cila mund të vizitohet vetëm me varkë.
Zhytësit arritën t’u dërgonin ushqim, ujë dhe ilaçe.
“Janë në gjendje të mirë psikologjike-fizike, në një vend të thatë, kanë çadrën me ngrohje dhe të gjitha furnizimet që u duhen”, tha Merela.
“Ata thjesht presin të dalin.”
Merela tha se kjo është hera e parë që njerëzit janë bllokuar në Krizhna Jama, një kompleks liqenesh nëntokësore me ujëra smeraldi, ekosistemi 4-rtë më i madh i shpellave të njohura në botë për sa i përket biodiversitetit, shkruan abcnews.al.
Gushtin e kaluar, Sllovenia u godit nga përmbytjet më të këqija në historinë e saj, të cilat shkaktuan 6 viktima dhe shkaktuan dëme të mëdha në shtëpi.
