Ushtria izraelite tha se ka përfunduar luftime të mëdha në Gazën veriore, ndërsa theksoi se ka “përfunduar çmontimin” e strukturës komanduese të Hamasit atje.
Zëdhënësi i Forcave të Mbrojtjes të Izraelit (IDF) Daniel Hagari u tha gazetarëve se luftëtarët e grupit “terrorist” tani po veprojnë vetëm në mënyrë sporadike dhe “pa komandantë” në zonë.
Ai shtoi se Izraeli kishte vrarë rreth 8.000 luftëtarë të Hamasit në Gazën veriore, një shifër e cila ende nuk është verifikuar në mënyrë të pavarur.
Trupat e IDF-së tani janë të përqendruara në çmontimin e Hamasit në Gazën jugore dhe qendrore dhe forcimin e mbrojtjes përgjatë gardhit kufitar Izrael-Gaza, tha Hagari, shkruan Klankosova.tv.
Në javët e fundit, Izraeli tashmë kishte pakësuar sulmin e tij ushtarak në Gazën veriore dhe kishte shtyrë ofensivën e tij në jug të territorit, ku shumica e 2.3 milionë palestinezëve të Gazës janë duke u shtrydhur në zona më të vogla mes një fatkeqësie humanitare në rritje, raporton The Telegraph.
