Ministrja e Jashtme, Donika Gërvalla ka shprehur ngushëllime familjeve të 2 shtetasëve të Kosovës, të cilët humbën jetën në një aksident trafiku në Hungari, përcjell InLajmi.
Gërvalla tha se njëkohësisht i siguroi për mbështetjen institucionale, teksa MPJD përmes misioneve diplomatike në Hungari dhe Gjermani, bashkë me autoritetet hungareze, po kryejnë të gjitha procedurat e nevojshme për kthimin e trupave të tyre.
Postimi i plotë i saj:
Me dhimbje morëm lajmin për vdekjen e 2 shtetasve të Republikës së Kosovës, Kushtrim Hoxhaj dhe Jetmir Rexhepi, në një aksident trafiku në Hungari.
Sapo kontaktova me familjarë të viktimave dhe iu shpreha ngushëllime për humbjen e më të dashurve të tyre.
Njëkohësisht i sigurova për mbështetjen institucionale, teksa Ministria e Punëve të Jashtme dhe Diasporës përmes misioneve diplomatike në Hungari dhe Gjermani, bashkë me autoritetet hungareze, po kryejnë të gjitha procedurat e nevojshme për kthimin e trupave të tyre.
Ngushëllime familjes Hoxhaj dhe Rexhepi! /InLajmi/
