Policia në Korenë e Jugut ka arrestuar ditën e sotme, 20 studentë që po tentonin të hynin në zyrën presidenciale në qendër të Seulit, sipas një njoftimi të zyrtarëve.
Anëtarët e Unionit Progresiv të Universitetit të Koresë u arrestuan në vend pasi dyshohet se u përpoqën të hynin në kompleksin e zyrës presidenciale duke kaluar gardhin rrethues, shkruan Abcnews.al.
Para se të përpiqeshin të hynin, studentët organizuan një protestë jashtë kompleksit, duke kërkuar një hetim të posaçëm për Zonjën e Parë Kim Keon-hee dhe një takim me zyrtarët presidencialë.
