Kryetari i Komisionit Parlamentar për Kosovë, Milovan Drecun, të premten tha se populli serb në Kosovë është veçanërisht i shqetësuar për faktin se Prishtina po përshpejton procesin e vendosjes së shërbimit të detyrueshëm ushtarak, InLajmi.
“Ajo që, për mendimin tim, shkakton shqetësim të veçantë për popullin serb në Kosovë, është se afati i planifikuar për vendosjen e shërbimit të detyrueshëm ushtarak, i cili ishte në vitin 2028, është përshpejtuar dhe se këtë vit ata po planifikojnë një projekt pilot me shërbim të detyrueshëm ushtarak”, tha Drecun, i ftuar në emisionin Shërbimi Publik, shkruan pink.rs.
Siç vlerësoi ai, kjo mund të krijojë një problem të madh për popullin serb dhe të bëjë presion shtesë mbi serbët të largohen ose të shërbejnë në Ushtrinë e Kosovës, e cila është faktori kryesor që rrezikon sigurinë e popullit serb./InLajmi/
