Kryetar i Aleancës për Ardhmërinë e Kosovës Ramush Haradinaj, ka bërë homazhe pranë varrit në përvjetorin e 12 të vdekjes së të gjeneralit Shaban Shala, përcjell InLajmi.
Haradinaj tha se veprimtar i hershëm i çështjes kombëtare, bashkëthemelues e drejtues i KMDLNJ-së, Shala u vu në ballë të organizimit të luftës çlirimtare.
Tutje us hpreh Haradinaj se Shala pas luftës, dha kontribut të çmuar në proceset shtetndërtuese, me theks të veçantë në themelimin e zhvillimin e TMK-së dhe transformimin në FSK.
Kryetari i AAK-së tha se vepra e dalëzotësve të Atdheut si Gjeneral Shala, është pragu më i lartë i krenarisë sonë kombëtare.
Postimi i plotë i tij:
Në 12-vjetorin e shkuarjes në përjetësi të Heroit të Kombit, Gjeneral Shaban Shala, kam bërë homazhe pranë varrit të tij.
Veprimtar i hershëm i çështjes kombëtare, bashkëthemelues e drejtues i KMDLNJ-së, ai vu në ballë të organizimit të luftës çlirimtare. Pas luftës, dha kontribut të çmuar në proceset shtetndërtuese, me theks të veçantë në themelimin e zhvillimin e TMK-së dhe transformimin në FSK.
Kisha nderin që në kohën e luftës per liri, të bashkëveproj me vëllain e tij Bedriun, i cili ra heroikisht në ballafaqim me armikun në mbrojtje të Junikut, më 10 gusht 1998. Emri i tij u nderua nga Brigada 134 “Bedri Shala” e ZO të Dukagjinit.
Vepra e dalëzotësve të Atdheut si Gjeneral Shala, është pragu më i lartë i krenarisë sonë kombëtare. /InLajmi/
