Ministrja e Jashtme e Kosovës Donika Gërvalla, është takuar me ministrin e Jashtëm të Britanisë së Madhe David Cameron, me ç’rast janë diskutuar shumë çështje sikur edhe për proceset zhvillimore në vend me theks në fushën e sundimit të ligjit, raporton InLajmi.
Ministrja shprehet mirënjohëse ndaj përendimit për qëndrimin e qartë dhe vendosmërinë në raport me Kosovën.
“Perëndimi ka qenë gjithnjë i suksesshëm atëherë kur ka pasur qëndrim të qartë dhe të vendosur. Ka qenë i suksesshëm kur ka vepruar me vendosmëri përballë një Moske agresive. Ekziston një konsensus gjithëshoqëror që Kosova është pjesë e Perëndimit. Mbi 90% e mbështesin Kosovën në integrimet brenda BE-së”, ka thënë Gërvalla gjatë konferencës së përbashkët me ministrin e Jashtëm të Britanisë së Madhe, David Cameron.
Tutje Gërvalla tha se është kënaqësi e veçantë ta kemi në Kosovë ministrin e Jashtëm të Britanisë, ndërsa ka falënderuar Cameronin për mbështetjen e vazhdueshme që Britania po i jep Kosovës në fusha të ndryshme.
“Pas një kohe goxha të gjatë, është vizita e parë e një ministri të Jashtëm britanik në Kosovë. Gjatë bisedës, folëm rreth zhvillimit të jashtëzakonshëm të Kosovës në fusha të ndryshme, sidomos në sundimin e ligjit dhe demokracisë. E falënderova për mbështetjen që Britania i ka dhënë Kosovës para dhe pas luftës dhe rolin e Britanisë në ndalen e gjenocidit të Serbisë në vitet e 90-ta. Kosova do të jetë përjetë mirënjohëse. E falënderova për dërgimin e trupave shtesë pas sulmit të Kosovës nga Serbia më 24 shtator”, është shprehur kryediplomatja Gërvalla. /InLajmi/
