Punëtorët që rimodelonin një kinema në Atlanta gjetën diçka befasuese pas një muri: një portofol që ishte humbur nga një klient 65 vjet më parë.
Një kontraktor gjeti portofolin e vjetër pas një muri në Teatrin Plaza dhe ia dorëzoi pronarit të kinemasë, Chris Escobar.
“Ishte një portal i vjetër,” tha Escobar për CNN. Më pas, ai bëri disa kërkime në internet dhe zbuloi se pronarja e portofolit, Floy Culbreth, vdiq në moshën 87-vjeçare në vitin 2005. Por ai ishte në gjendje të kontaktonte vajzën e saj, Thea Culbreth Chamberlain, 71 vjeç.
“Unë as nuk di si të them se sa i mahnitur isha”, tha Chamberlain në momentin e parë që mbajti portofolin e humbur prej kohësh të nënës së saj, shkruan Alsat.m.
Chamberlain ishte vetëm 6 vjeç kur nëna e saj humbi portofolin në vitin 1958. Ai kishte brenda foto të vjetra familjare, një kartë bibliotekë dhe bileta lotarie.
