Prej vitesh ajo është femra më e fuqishme në Europë. Ajo formëson fatin e Kontinentit të Vjetër dhe të Bashkimit Evropian, BE, dhe shihet me respekt nga pothuajse të gjithë liderët botërorë, transmeton InLajmi.
Përveç kësaj, ajo është edhe nënë e 7 fëmijëve që një pjesë të jetës ia kushtoi rritjes së fëmijëve, pra një familje të madhe.
Në fazën e 2-të, ajo u bë një person për të cilin shkruhet vazhdimisht, me admirim për karrierën e saj. Ajo është Ursula von der Leyen dhe kjo është historia e jetës së saj.
Revista Forbes e shpalli Ursula von der Leyen gruan më të fuqishme në botë për të 2-tin vit radhazi.
Sipas “Forbes”, Ursula Von der Leyen, e cila është në krye të Komisionit Europian që nga viti 2019, është gruaja e parë në atë pozicion, përgjegjëse për ligjet që prekin më shumë se 450 milionë europianë.
Një histori e mahnitshme jete
Ursula von der Leyen ka lindur më 8 tetor 1958. Ajo është një politikane gjermane dhe presidente aktuale e Komisionit Evropian, KE. Ajo ka mbajtur postin e Ministres së Mbrojtjes së Gjermanisë nga viti 2013 deri në vitin 2019. Është anëtare e Unionit Demokristian të qendrës së djathtë, CDU, por edhe gruaja e parë që mban postin e ministres gjermane të Mbrojtjes dhe e para që u bë kryetar i KE-së.
Në fund të viteve 90-ta të shekullit të kaluar, ajo u përfshi në politikën lokale në rajonin e Hanoverit dhe nga viti 2003 deri në vitin 2005 ishte ministre e qeverisë në qeverinë shtetërore të Saksonisë së Ulët.
Më vonë, në vitin 2005, ajo iu bashkua kabinetit federal, fillimisht si Ministre e Çështjeve Familjare dhe Rinisë nga viti 2005 deri në 2009, më pas si Ministre e Punës dhe Çështjeve Sociale nga viti 2009 deri në 2013 dhe në fund si Ministre e Mbrojtjes nga viti 2013 deri në 2019. Kur u largua nga ai post, ajo ishte e vetmja ministre që ka shërbyer vazhdimisht në kabinetin e Angela Merkelit që kur Merkel u bë kancelare.
Ajo ishte gjithashtu nënkryetare e CDU-së nga viti 2010 deri në vitin 2019, dhe më parë konsiderohej si kandidatja kryesore për të pasuar Merkelin si kancelare dhe favoritja për sekretare të përgjithshme të NATO-s.
Më 2 korrik 2019, Këshilli Evropian propozoi von der Leyen si kandidate për Presidente të Komisionit Evropian dhe ajo mori detyrën më 1 dhjetor.
Në vitin 1971, Urzula u zhvendos në Lerte në rajonin e Hanoverit pasi babai i saj u bë CEO i kompanisë ushqimore Bahlsen dhe u përfshi në politikën shtetërore në Saksoninë e Ulët, shkruan nova rs.
Babai i saj kandidoi për kancelar gjerman, i mbështetur nga kryetari i atëhershëm i CDU-së, Helmut Kohl, por humbi nga konservatori Franz Josef Strauss. /InLajmi/
