Aleanca për Ardhmërinë e Kosovës dega në Prizren ka shkëputur koalicionin qeverisës me Shaqir Totajn e Partis Demokratike të Kosovës përcjell InLajmi.
AAK njofton se kjo shkëputje ka ndodhur për arsye se kryetari Totaj kohëve të fundit ka filluar të marrë veprime pa konsultimin dhe pajtimin e Aleancës.
Tutje AAK thekson se Aleanca është dhe mbetet subjekt serioz politik dhe do të vazhdojë të punojë fuqishëm në të mirën e përgjithshme të qytetarëve të Komunës së Prizrenit.
Njoftimi i plotë nga AAK:
Komunikatë për media
Të nderuar qytetarë të Komunës së Prizrenit, nga sot e tutje AAK në Prizren rrugëton e vetme, shkëput koalicionin qeverisës me Shaqir Totajn në Prizren.
Aleanca këto 2 vite, me 3 drejtoritë që i kemi pasur, ka bërë një punë të shkëlqyer dhe një bashkëpunim jashtëzakonisht të mirë me qytetarë, mirëpo kohëve të fundit, kryetari Totaj ka filluar të marrë veprime pa konsultimin dhe pajtimin e Aleancës, veprime që janë në kundërshtim me frymën e bashkëpunimit ndërpartiak dhe bashkëqeverisës.
Kështu që nga sot Aleanca nuk është në bashkëqeverisje me Shaqir Totajn.
Aleanca është dhe mbetet subjekt serioz politik dhe do të vazhdojë të punojë fuqishëm në të mirën e përgjithshme të qytetarëve të Komunës së Prizrenit./InLajmi/
