Lionel Messi është mrekullia e 8 e botës.
Ylli argjentinas e theu rekordin e tij duke e fituar Topin e Artë për herë të 8 në karrierë.
36 vjeçari e la prapa yllin e Manchester Cityt, Erling Haaland pasi e udhëhoqi Argjentinën drejt titullit të kampionit të botës.
Ai u bë lojtari i parë i ligës MLS që e fiton një trofe të tillë.
“S’mund ta imagjinoja se do ta kisha një karrierë të tillë. Se do të arrija gjithçka që kam arritur. Krejt Topat e Artë janë të veçantë. Këtë trofe ia dedikoj popullit argjentinas dhe Diego Armando Maradonës”, u shpreh Messi pasi e mori çmimin në Paris të Francës.
Ai gjatë verës arriti t’ia siguronte edhe Inter Miamit trofeun e parë në histori të klubit amerikan.
Haaland, i cili i realizoi 52 gola në sezonin 2022/23 dhe që i fitoi 3 trofe, e fitoi çmimin “Gerd Muller” si sulmuesi më i mirë i vitit.
Aitana Bonmati e fitoi Topin e Artë për femra pasi fitoi gjithçka të mundshme me Barcelonën dhe me Spanjën, shkruan Gazeta Express.
Heroi i Argjentinës në Botëror, Emiliano Martinez u zgjodh portieri më i mirë i vitit, ndërsa ylli anglez i Real Madridit, Jude Bellingham e fitoi çmimin e lojtarit më të mirë të ri.
