Sekretari për organizim në PDK, Betim Gjoshi tha se prezenca e kryeministrit Albin Kurti në aeroportin “Adem Jashari” në ditën e parë të lëvizjes pa viza në zonën Shëngen, është një pëpjekje e tij për të shprehur normalitet në kohën kur qytetarët po përballlen me pasoja të politikave të gabuara të toj, përcjell InLajmi.
Gjoshi tha se kushtet për lëvizje pa viza janë plotësuar para një dekade dhe kjo nuk është vetëm një arritje e Kosovës që duhet t’i gëzohemi të gjithë, por fatkeqësisht është edhe një pengesë e kaluar për ta braktisur vendin.
Ai deklaroj se njerëzit po shpresojnë të gjejnë veten në shtete tjera për shkak të zullimit të madh që Albin Kurti dhe Vetëvendosje kanë shtrirë mbi jetën e qytetarëve. Nuk ka mbetur gjë në Kosovë që nuk faturohet shtrenjtë.
Postimi i tij i plotë:
Prezenca e Albin Kurtit në aeroportin “Adem Jashari” në ditën e parë të lëvizjes pa viza në zonën Shëngen, është një përpjekje për të improvizuar normalitetin në rrethana kur qytetarët e Kosovës po përballen me pasoja të politikave të tij.
“Lëvizja pa viza” nuk është vetëm një arritje e shtetit të Kosovës që duhet t’i gëzohemi të gjithë e që kushtet i kishte plotësuar para një dekade, por fatkeqësisht është edhe një pengesë e kaluar për ta braktisur vendin.
Sot, njerëzit po ikin në Gjermani e shtete tjera për shkak të fushatës një-dekadëshe të opozitës antishtetërore të Albin Kurtit dhe Lëvizjes Vetëvendosje që e portretizuan Kosovën si një vend të pajetueshëm. Kjo fushatë kaq e gjatë dhe e pandërprerë, po jep pasojat e saj deri në prishjen e ekuilibrit demografik.
Sot, njerëzit po shpresojnë të gjejnë veten në shtete tjera për shkak të zullimit të madh që Albin Kurti dhe Vetëvendosje kanë shtrirë mbi jetën e qytetarëve. Nuk ka mbetur gjë në Kosovë që nuk faturohet shtrenjtë.
Sot, Albin Kurti është një ofendues e arrogant ndaj policëve të Kosovës, mësuesve, mjekëve, sindikatave, shërbyesve civilë, bizneseve, e ndaj kujtdo që ka një kërkesë për Qeverinë e Kosovës.
Pra, Albin Kurti dhe Vetëvendosje janë shndërruar në demotivuesit kryesorë që njerëzit po largohen.
Albin Kurti dhe Qeveria e Kosovës duhet t’i japin fund improvizimeve e sajesave ditore, por të fillojnë të përballen seriozisht me pasojat e politikave të tyre./InLajmi/
