Presidentja e Kosovës Vjosa Osmani, ka ndarë Medalje Presidenciale të Meritave rock, grupet që u nderuan me medalje ishin Minatori, Trix, Elita 5, TNT, Gjurmët, Oda, 403, MAK, Ilirët, Telex, Fisnikët e Fontana përcjell InLajmi.
Zyra e presidentes njofton se rock grupet e viteve 80 kanë qenë pjesë e “boom”-it kulturor në Kosovë, në kohën kur ajo po shtypej e kultura jonë po mohohej.
Po ashtu theksohet se muzika e këtyre grupeve paralajmëroi e stimuloi ndryshime shoqërore.
Postimi i plotë:
Ndarja e Medaljeve Presidenciale për Rock grupet
Rock grupet e viteve ’80 kanë qenë pjesë e “boom”-it kulturor në Kosovë, në kohën kur ajo po shtypej e kultura jonë po mohohej. Muzika e tyre paralajmëroi e stimuloi ndryshime shoqërore dhe u bëri jehonë aspiratave, zhgënjimeve dhe ëndrrave të një brezi të etur për ndryshim.
Mbrëmë Presidentja Osmani ua ka ndarë Medaljen Presidenciale të Meritave rock grupeve: Minatori, Trix, Elita 5, TNT, Gjurmët, Oda, 403, MAK, Ilirët, Telex, Fisnikët e Fontana. /InLajmi/
