Lista Serbe, reagon ndaj vendimit të Mitrovicës së Veriut për ndarjen e parcelës për Ministrinë e Punëve të Brendshme të Kosovës në sipërfaqe 27.000 metër katror, përçka shprehen se do të kërkojnë takim urgjent me ambasadorët e QUNIT-it dhe të Bashkimit Evropian, përcjell InLajmi.
Në njoftimin e Listës, tutje thuhet se nga vendet e Quinte dhe Bashkimi Evropian, LS do të kërkojë një reagim të menjëhershëm ndaj synimit të Prishtinës për të “shkaktuar tensione të reja dhe kërcënuar paqen dhe sigurinë e qytetarëve.
Në njoftim theksohet se do të kërkojnë që në takim të marrin pjesë edhe përfaqësuesit e KFOR-it dhe EULEX-it, të cilët në këtë kohë të paligjshmërisë dhe dhunës klasike institucionale duhet të reagojnë urgjentisht dhe ta pengojnë Kurtin për të sjellë në qendër të qytetit, në afërsi të stacionit të trenit dhe autobusëve, rezidenca studentore dhe familjare njësi parapolicore njëetnike që nuk kanë bazë ligjore për praninë e tyre në veri të Kosovës.
Në deklaratë po ashtu theksohet se vendimi është i kundërligjshëm dhe në kundërshtim me interesat e qytetarëve dhe se është marrë pa konsultim dhe diskutim publik në të cilin do të marrin pjesë qytetarët e pjesës veriore të Mitrovicës. /InLajmi/
