Ministria e Industrisë, Ndërmarrësisë dhe Tregtisë ka njoftuar qytetarët rreth arritjeve dhe punëve që ky institucion ka bërë përgjatë vitit që po lemë pas, përcjell InLajmi.
Sipas Ministrisë, viti 2023 ka qenë një vit që ka shënuar projekte të rëndësishme që për herë të parë janë bërë në Kosovë.
Ndër to përmenden marrëveshja për pjesëmarrjen e Kosovës në njërin nga programet më të mëdha të BE, regjistrimi i Treguesit Gjeografik si emërtime të mbrojtura të origjinës dhe rregullimi i veprimtarisë së udhërrëfyesve turistikë.
Gjithashtu në këtë vit ka pasur një numër rekord të inspektimeve me 3079 të tilla të realizuara.
Njoftimi i plotë i ministrisë:

✅Për herë të parë gjatë vitit 2023 u nënshkrua marrëveshja për pjesëmarrjen e Kosovës në njërin nga programet më të mëdha të Bashkimit Evropian, në vlerë prej 4.2 miliard euro.🇽🇰🇪🇺
✅Negociimi për Marrëveshjen e Tregtisë së Lirë me shtetet e EFTA-së po avancon si asnjëherë më parë.
✅Në vitin 2023, për herë të parë në Republikën e Kosovës u regjistruan Treguesit Gjeografik si emërtime të mbrojtura të origjinës.🇽🇰🧈🍷
✅Numri i inspektimeve preku shifrat rekord me mbi 3079 inspektime të realizuara.
✅Për herë të parë u rregullua veprimtaria e udhërrëfyesve turistik (ciceronëve) në mënyrë që historia, kultura e trashëgimia jonë kulturore të prezantohet nga ciceronë të certifikuar dhe regjistruar në Republikën e Kosovës.
🗓Plane të tjera të reja na presin në vitin 2024 me qëllim realizimin e prioriteteve të Qeverisë së Republikës së Kosovës.🇽🇰
✅Bashkë, për qytetarët tanë dhe të mirën e përgjithshme! /InLajmi/