Kryeprokurori i Prokurorisë Speciale të Republikës së Kosovës, Blerim Isufaj ka konfirmuar se kishte ishte ai që ka dhënë pëlqimin për heqjen e urdhërarrestit ndaj Milan Radoiçiqit, por nuk ka treguar arsyet, raporton InLajmi.
Sipas tij, çështja është ndjeshme dhe e tillë duhet të trajtohet.
“Unë e kam dhënë pëlqimin. Arsyet nuk mund t’i bëj publike. Këto janë çështje të ndjeshme, janë çështje të hetimit” tha Kryeprokurori i Prokurorisë Speciale.
Isufaj tregon se udhërarrestit ndaj Radoiçiqit shtë rikthyer dhe po vazhdojnë hetimet.
“Sa i përket udhërarrestit ndaj Radoiçiçit, ai është komplet çështje e brendshme e Prokurorisë, të jeni të sigurt se ne nuk mund të ndajmë shumë detaje për rastet që ne i trajtojmë. Ai s’ka qenë kurrë në paraburgim. Është tërhequr për një kohë urdhërarresti, i cili në ndërkohë iu ka rikthyer”, tha ai.
I pyetur për deklaratat e ish prokurorit special, Sylë Hoxha, i cili kishte thënë se ka pasur njerëz që i kanë dërgu fjalë për të tërhequr urdhërarrestin ndaj Radojiçiqit, Isufaj tha se këtë informacion e ka kuptuar prej mediave.
“Pyetne atë, pse ai s’ka ndërmarrë. Këtë informacion e kam marr prej mediave. Kurrë s’ma ka thënë mua. Secili që ka mundur t’i thotë diçka ka mundur ta arrestojë”, tha Isufaj
Kryeprokurori i Prokurorisë Speciale, ka deklaruar se nuk është çështje e kryeministrit se kur ngritën aktakuzat e kur pushojnë hetimet.
Këtë përgjigje Isufaj e ka dhënë të premten në konferencën e fundvitit ku është pyetur për komentet e Kryeministrit Kurti, i cili tha se sistemi i drejtësisë përkundër informatave dhe fakteve s’ka ngritur ende asnjë aktakuzë për sulmin terroristë në Bansjkë.
“Nuk është çështje e tij ngritja e aktakuzave. Është çështje e sistemit të drejtësisë. Ne aktakuat i ngrisim kur kryjmë hetimet, kur kemi prova. Nuk mund të na tregojë kurrkush kur duhet të ngrisim aktakuzë e kur duhet të pushojmë hetimet”, tha ai.
Më 19 shkurt 2021, Prokuroria Speciale kishte kërkuar revokimin e urdhërarrestit ndaj Radoçiqit ndërsa gjykata e kishte aprovuar këtë kërkesë më 23 shkurt 2021.
Urdhërarresti ishte lëshuar në gusht të 2020-ës nën dyshimin se Radoiçiq ishte pjesë e një grupi të organizuar kriminal lidhur me vrasjen e politikanit Oliver Ivanoviq.
