Analisti politik, Visar Ymeri, ka bërë një vlerësim për vitin 2023 sa i përket dialogut ndërmjet Kosovës dhe Serbisë.
Duke filluar, sipas tij, nga një qëndrim “rezistues institucional” zhvillimet në dialog kanë përfunduar me një kryeministër të përpiktë për nënshkrimin e marrëveshjes mes 2 vendeve.
Ymeri ka thënë se është e rëndësishme vlerësimi i 2 mendësive politike që kanë dominuar në politikën e Kosovës, sidomos lidhur me çështjen e veriut.
“Është interesant të bëhet një shikimi në atë se qysh e kemi nisur vitin në raport me dialogun në kuptimin e qëndrimeve institucionale dhe qysh kemi përfunduar. Pra, nga një qëndrim rezistues institucional, se kjo s’bëhet, këtë nuk e pranoj, veriu është çështje e krimit të organizuar e kështu me radhë. Kemi përfunduar në një ngarendje të kryeministrit tonë për nënshkrim të marrëveshjes”, ka deklaruar ai në Debat Plus, në TV Dukagjini.
Ai ka përmendur divergjencat në trajtimin e çështjes së veriut, duke e krahasuar një qasje që fokusohet në krime të organizuara dhe një qasje që synon zgjidhjen përmes marrëveshjeve, siç ka vepruar, sipas tij, kryeministri Kurti.
“Domethënë tash në këtë drejtim ato 2 mendësi që kanë qenë për të pranishmet përgjatë kohës se jo vetëm tash, por edhe më herët në politikën e Kosovës duhet të vlerësohen edhe jetë vit. Do të thotë cila prej këtyre mendësive politike, qoftë ajo e shndërruar në politikë institucionale ose jo po del të jetë më e qëndrueshme në kuptimin e sjelljes sonë dhe efektet që i kemi mbërritur pastaj. Do të thotë a kemi pasur më shumë efekt me trajtu veriun si çështje të krimit të organizuar të cilën e zgjidhim vetëm me polici, apo me trajtu veriun përmes marrëveshjes siç edhe bëri zoti Kurti në fund”, ka deklaruar Ymeri.
