Drejtori i Institutit të Kosovës për Drejtësi Ehat Miftaraj, bëri kritika për faturat e rrymës duke thënë se ju që keni shfrytëzuar energjinë elektrike për t’i ngrohur fëmijët gjatë muajit dhjetor, merrni mësime se muaji janar është edhe me i “gjatë”, përcjell InLajmi.
Miftaraj duke ironizuar tha ndryshoni strategji, rrymën trajtone si relikt dhe mos e përdorni, përkundrazi gjatë netëve të ftohta bisedoni dhe mbani ligjerata se si duhet të kursehet rryma.
Tutje ai tha se rryma duhet të shfrytëzohet vetëm në raste të jashtëzakonshme, dhe atë vetëm kur lideri suprem i Kosovës, shkelqësia e tij Albin Kurti del në media.
Drejtori tha se krejt këto rituale i kryeni nën dritën e qiriut dhe mbështjellur me batanije të prodhuara në Kinen “demokratike”.
Postimi i plotë i tij:
Ju që keni shfrytëzuar energjinë elektrike për t’i ngrohur fëmijët gjatë muajit dhjetor, merrni mësime se muaji janar është edhe me i “gjatë”.
Ndryshoni strategji, rrymën trajtone si relikt dhe mos e përdorni, përkundrazi gjatë netëve të ftohta bisedoni dhe mbani ligjerata se si duhet të kursehet rryma.
Rryma mund të shfrytëzohet vetëm në raste të jashtëzakonshme, dhe atë vetëm kur lideri suprem i Kosovës, shkelqësia e tij Albin Kurti del në media dhe na tregon se si po lulëzon ekonomia e Kosovës, zhvillimi ekonomik, ulja e papunësisë dhe si vendet e rajonit dhe BE po i shohin me xhelozi arritjet e papara të dikur shtetit më të varfër në Evropë.
Krejte keto rituale i kryeni nën dritën e qiriut dhe mbështjellur me batanije të prodhuara në Kinen “demokratike”. /InLajmi/
