Guvernatori i Bankës Qendrore të Kosovës, Ahmet Ismaili ka mbajtur konferencën e fundvitit gjatë së cilës ka prezantuar punën e këtij institucioni gjatë vitit 2023, përcjell InLajmi.
Ismaili u shpreh se pavarësisht vështirësive kanë pasur një vit që në përgjithësi ka qenë i suksesshëm. Ai u shpreh se deri në fund të këtij viti, rritja ekonomike pritet të jetë 3.4% e ndërkohë në vitin 2024 parashikohet një rritje ekonomike prej 4.2%.
Për sa i përket inflacionit u shpreh se këtë vit norma është 5.1% e ndërkohë për vitin 2024 pritet një ngadalësim i rritjes së inflacionit me norma prej 3.0%.
“Rritja ekonomike për fund të këtij vit pritet që të arrij 3.4 %. Kurse projeksionet tona për vitin 2024-2025 janë 4.2 përkatësisht 4 %. Sa i përket inflacionit, në nivelet të viti mesatarja vjetore e inflacionit pritet që të mbyllet me 5.1% . Pritjet pastaj për viti 2024-2025 janë që ky inflacion të zbresë në 3.0%. Importi vazhdon që të jetë dominues. Sa i përket remitencave deri në fund të viti 2023 pritet të arrijnë vlerën prej 1.3 miliard euro”, tha Ismaili gjatë kësaj konference.
Po ashtu gjatë kësaj konference u bë edhe ndarja e çmimit tradicional të BQK-së “Ekonomisti i ri”, fituesit e të cilit ishin: Qëndres Cuci, Diellëza Mahmuti dhe Agnesa Demolli Mehani. /InLajmi/
