Analisti politik, Astrit Gashi, hodhi dyshime se kompania kosovare për furnizim me energji elektrike KESCO, ka kryer vjedhje.
“KESCO ka bërë vjedhje, 3 ditë çojnë bllok-tarifë. Këtu duhet të ketë punë prokuroria… Këtu vjedhja është reale, vetëm 3 ditë t’i shton të çon në bllok tarifë, bllok tarifa të çon diçka ekstra, kjo është sistematike, nuk mundet me qenë sistematike, deri sat ë vjen dikush nga prokuroria të thotë nuk është sistematike”, tha ai.
“Në një banesë që ngrohet 30 ditë 24 orë me ardhë më lirë se një banesë që nxehet 6 ditë nuk ka logjikë”, vijoi ai.
Ndryshe në një njoftim për media nga KESCO thuhet se deri më tani rreth 400.000 konsumatorëve u janë lexuar njehsorët.
Kështu, sipas tyre, vetëm 14% e konsumatorëve kanë fatura mbi 100 euro dhe 86% kanë fatura nën 100 euro.
Po ashtu për këtë cështje ka reaguar edhe kryeministri Albin Kurti, i cili ka thënë se nuk ka shtrenjtim të energjisë elektrike në Kosovës.
E për çdo ankesë të qytetarëve, Kurti ka thënë se adresat e vetme janë KESCO dhe ZRrE, shkruan TV Dukagjini.
Sipas Kurtit, kur ka konsum më të lartë të energjisë elektrike “natyrisht se ka edhe faturë më të lartë”.
