Me fillimin e festave të fundvitit, mërgimtarët, por edhe turistë të shumtë kanë zgjedhur si destinacionin e tyre Kosovën për të kaluar këtë periudhë, përcjell InLajmi.
Këtë gjë duket se e ka konfirmuar edhe zëdhënësja e Aeroportit Ndërkombëtar të Prishtinës “Adem Jashari”, Valentina Gara, duke publikuar disa statistika në lidhje me udhëtimet në muajin dhjetor.
Gara tha se nga fillimi i muajit e deri më tani kanë udhëtuar 221 309 udhëtarë ndërkohë që pritet që viti të përmbyllet me mbi 3.4 milion udhëtarë.
Postimi i plotë i saj:
Vetëm në muajin Dhjetor nga data 1 deri më 27 (deri më sot) kanë udhëtuar 221 309 udhëtarë, përmes ANP ‘Adem Jashari’ (ku nga këta 133 910 kanë qenë në ardhje), përderisa presim të përmbyllim vitin me mbi 3.4 milion udhëtarë.
Të dhënat e sakta do të bëhen publike në Janar 2024. /InLajmi/
