UBO Consluting ka publikuar të hënën sondazh me përqindje të partive politike që nëse zgjedhjet do të mbaheshin këtë të diel rezultatet këto do ishin.
Lëvizja Vetëvendosje do të printe e para në listë me 48.5 %, pas saj e 2-ta me radhë, Partia Demokratike me 18.2%.
Lidhja Demokratike e Kosovës është renditur e 3-ta me 17.9% ndërsa Aleanca për Ardhmërinë renditet e 4-rta me 6.8%.
Këto rezultate kanë bërë që partitë opozitare të reagojnë ashpër.
Deputeti i PDK-së për sondazhin e UBO-së: Propagandë e VV-së, Kurti nuk do ta ketë shansin kurrë t’i marr votat përsëri
Deputeti i PDK-së, Hisen Berisha sondazhin e publikuar të UBO-së e ka quajtur propagandë të VV-së.
Ai tha se ky mekanizëm është për ta mbajtur nën kontroll masën e njerëzve me spekulime.
Hiseni ka kërkuar nga shoqëria civile e qytetarët ta demaskojnë këtë sondazh.
“Në garat politike ekzistojnë spekulimet, propagandën e kanë mekanizmin për mbajtjen nën kontroll të masave. Ky sondash nuk qëndron në nivelin e votave që i kanë marr si rezultat i propagandës dhe mashtrimit. Duhet mobilizim i shoqërisë civile, qytetareve e mediave me damasku këtë”, tha Berisha.
Kurti nuk do ta ketë shansin t’i marr më kurrë votat e qytetarëve me mashtrime, thotë Berisha.
“Se ajo çka arriti për 3 vjet është varfërimi i popullit, shkatërrimi ekonomik e politik e kthimin e Serbisë në Kosovë. Cili do person të shtyhet me Kurtin në votë do ta dijë që ky njeri kurrë s’do ta ketë shansin me i marr votat e qytetarëve me gënjeshtra e mashtrim nuk merret vota”, thotë ai.
E nga LDK-ja, kryetari Lumir Abdixhiku e ka quajtur propagandë sondazhin e publikuar, derisa ka prezantuar matjet që ata si LDK kanë bërë.
“Deri më tani, kanë përfunduar mbi 17.000 anketa vetëm në regjionin qendër. Rekord anketimesh këto për të siguruar saktësi të paprecedentë statistikore. Në pyetjen se, nëse zgjedhjet nacionale mbahen këtë të diel, për cilën parti do të votonit, rezultatet për LDK, të marra deri më tani vetëm për 5 qytete në regjionin qendër janë: Prishtinë 35%, Lipjan 42%, Podujevë 35%, Obiliq 36%, Fushë Kosovë 34%”, ka shkruar Abdixhiku.
Ndërsa, kreu i AAK-së, Ramush Haradinaj, ka kërkuar që Prokuroria të ndërhyjë dhe të hetojë se prej nga janë marrë paratë për këto matje të opinionit publik, ngase siç thotë ai një hulumtim i thjeshtë sot kushton prej 25 e deri në 50.000 euro.
Kryesindikalisti i Policisë: Sondazhet e fundit ,befasuese, paknaqësitë janë evidente
Për sondazhin, kanë folur për Front Online edhe përfaqësues të sindikatavetë cilët kanë rreth vetës mijëra anëtarë.
Për kreun e Policisë, Imer Zeqiri sondazhet kanë qenë befasuese, përkundër pakënaqësive.
Zeqiri thotë se zgjedhjet do jenë përcaktuese që do tregojnë se sa të kënaqur janë qytetarët e punëtorët.
“Ne po e dimë që pakënaqësitë janë evidente por sondazhet janë befasuese. Pakënaqësitë janë për shkak të kushteve dhe kërkesave që i kemi pas për me plotësu secila sindikatë edhe policët. Sa i plotëson kërkesat qeveria dhe sa do të jenë të kënaqur qytetarët dhe punëtorët do ta dëshmojnë zgjedhjet”, ka thënë Zeqiri.
Jasharaj: Vetëvendosjen nuk duhet ta trimnojnë sondazhet, pakënaqësitë janë të mëdha
Kryetari i SBASHK-ut, Rrahman Jasharaj ka folur për Front Online lidhur me disa sondazhe që janë publikuar për partitë politike në vend, ku e para ka dalë partia në pushtet.
Jasharaj tha se VV-ja nuk duhet ta trimnojnë sondazhet se pakënaqësitë janë të mëdha tek sindikatat.
“Partia në pushtet dhe të tjera nuk duhet të trimnohet shumë me sondazhet se zgjedhjet do vinë dhe secili do ta thotë fjalën e vetë. Vetëvendosjen nuk duhet ta trimojnë sondazhet se pakënaqësitë janë të mëdha në sistemin arsimor dhe sektorët e tjerë”, ka deklaruar Jasharaj.
Këto janë disa nga pakënaqësitë e SBASHK-ut, sipas Jasharajt.
“Dialogu me sindikatat mungon, angazhime kishte që të shuheshin sindikatat, ligjin e pagave dhe vendimin e prerë për ta dëgjuar zërin e deputetëve”, thotë ai
Kujtojmë se me 14 shkurt 2023 janë bërë 2 vjet që ku VV-ja fitoi zgjedhjet parlamentare me rezultat të thellë përballë partive të tjera politike.
