Komisioni Evropian nuk është kundër protestave paqësore, por theksojnë zyrtarët e këtij institucioni se dhuna nuk është zgjidhje dhe është e papranueshme. Në të njëjtën kohë nga KE theksojnë se ankesat se ka pasur parregullsi gjatë zgjedhjeve parlamentare lokale në Serbi duhet të hetohen siç duhet, transmeton InLajmi.
Bashkimi Evropian bën thirrje për paqe dhe dialog
“Edhe pse e drejta për demonstrata paqësore duhet të ruhet, dhuna nuk është zgjidhja dhe është e papranueshme. Veprimet e policisë duhet të jenë proporcionale dhe të respektojnë të drejtat themelore brenda shtetit të së drejtës”, thuhet në përgjigjen e Komisionit Evropian për N1rs.
Siç shtuan ata, “ankesat për parregullsi zgjedhore duhet të hetohen dhe trajtohen siç duhet”.
Më 22 dhjetor, KE njoftoi se kishte marrë një letër nga koalicioni “Serbia kundër dhunës”, me kërkesën për të mos njohur rezultatet e zgjedhjeve në Serbi, ku thuhej se qëndrimi i saj për zgjedhjet tashmë ishte shprehur përmes një komunikate të përbashkët. Deklarata e kreut të diplomacisë evropiane, Josep Borrell, dhe komisionerit për Zgjerim, Oliver Varhley.
“Ne kemi marrë parasysh qëndrimet e koalicionit “Serbia kundër dhunës” dhe ju kujtojmë se qëndrimi ynë për zgjedhjet është shprehur përmes një deklarate të përbashkët të Përfaqësuesit të Lartë të BE-së dhe nënpresidentit të KE-së, Josep Borrell dhe komisionerit për Zgjerim, Oliver Varhey”, thuhet në përgjigjen e Komisionit Evropian
Kujtojmë se në një deklaratë të publikuar më 19 dhjetor, Borrell dhe Varhey deklaruan se presin që “raportet e besueshme për parregullsitë (zgjedhore) do të shqyrtohen në mënyrë transparente nga autoritetet kompetente të Serbisë”.
“Kjo përfshin akuzat lidhur me zgjedhjet lokale në Beograd dhe komunat e tjera. I bëjmë thirrje lidershipit politik të Serbisë që të sigurojë një dialog konstruktiv, gjithëpërfshirës në të gjithë spektrin politik”, deklaruan Borel dhe Varhey./InLajmi/
