Restaurimi i katedrales së Notre Dame arrin vlerën 760 milionë dollarë. Katedralja e Parisit pritet të përfundojë në dhjetor të vitit 2024, që nga viti 2019 që u shkatërrua nga zjarri.
Sipas vlerësuesve, 14 milionë vizitorë mendohet të dynden për të parë rezultatet e restaurimit. Në restaurimin dhe pamjen e re të katedrales, në majën e saj është vendosur një gjel i ri i artë i cili në brendësinë e tij do të mbaj emrat e 2.000 punonjësve që janë përfshirë në restaurim.
Gjeli i vjetër i vendosur në majën e katedrales, i cili u shkatërrua nga zjarri tani do të jetë në një muze të ri arti, historie kushtuar ndërtimit të katedrales së Notre Dame, njoftoi presidenti I Francës, Makron.
Sipas Rindërtimit të Notre Dame de Paris, në të gjithë Francën ka gati 250 kompani dhe punishte arti, të angazhuara për “rilindjen” e katedrales. Këtu përfshihen zdrukthëtarët, guroret, skelat, skulptorët, qelq bërësit e madje edhe ndërtuesit të cilët po restaurojnë 8.000 tuba të Notre Dame.
