Kryetari i Komunës së Prishtinës, Përparim Rama duket se është duke bërë bilancin e vitit që po lemë pas e ndër to ishte edhe Ndërmarrja Publike Banesore të cilën e ka konsideruar si shembull të suksesit në kryeqytet, përcjell InLajmi.
Rama është shprehur se NPB ka shënuar një rritje të të hyrave me 88%, të cilën e ka konsideruar si një arritje të madhe në krahasim me vitin 2022. Ndërkohë është shprehur se institucioni që ai drejton së bashku me NPB kanë arritur të rinovojnë objekte të shumta në Prishtinë, teksa shprehet se në vitin 2024 do të realizohen akoma edhe më shumë projekte.
Postimi i tij i plotë:
NPB, Ndërmarrja Publike Banesore: Shembull i Suksesit në Kryeqytet.
Me një përkushtim të pamohueshëm, punonjësit e Ndërmarrjes Publike Banesore arritën një rezultat të shkëlqyer gjatë vitit 2023.
Sot gjatë vizitës në Ndërmarrje, kryeshefi ekzekutiv, Artan Berisha, na tregoi për një rritje të të hyrave prej 88%, një sukses i madh në krahasim me vitin 2022.
Në bashkëpunim me NPB-në, gjatë këtij viti u renovuan 10 objekte të Qendrave të Mjekësisë Familjare, 6 Institucione Arsimore, Shkolla e Çerdhe, dhe shumë objekte kolektive në Prishtinë.
Në vitin 2024 na presin super projekte! /InLajmi/
