Kryetari i komunës së Pejës Gazmend Muhaxheri ka njoftuar nisjen e ndërtimit të strehës për qentë endacak, përcjell InLajmi.
Muhaxheri shprehet se kjo inciativë ka për qëllim të sjellë ndryshime pozitive në gjendjen aktuale të qenve të rrugës.
Më tutje kryetari i Pejës u shpreh se kjo është një shembull që tregon se çfarë projektesh mund të realizohen kur ka bashkëpunim ndërmjet autoriteteve lokale, shoqatave dhe bizneseve.
Postimi i plotë i tij:
Javën e fundit të muajit dhjetor, po e nisim me një lajm shumë të mirë: ka filluar projekti i ndërtimit të Qendrës për Trajtimin e Qenve Endacak, cili ka për qëllim të sjellë ndryshime pozitive me gjendjen aktuale të qenve të rrugës. Le të shërbejë ky projekt si një shembull i shkëlqyer i bashkëpunimit mes autoriteteve lokale, shoqatave për mbrojtjen e kafshëve dhe bizneseve lokale që do të japin vizionin e tyre për të bërë një punë sa më të mirë në këtë drejtim.
I juaji,
#GazMuhaxheri
#KujdesemiPerKafshet /InLajmi/
