Këshilltarja e Presidentes Donika Kadaj-Bujupi, me ftesë të Këshillit të Kongresit të Intelektualëve Boshnjak, ka marrë pjesë në një vizitë zyrtare në Bosnjë dhe Hercegovinë, përcjell InLajmi.
Kadaj-Bujupi tha se gjatë kësaj vizite ishte një program i pasur e frytdhënës në institucionet më të larta të vendit, duke përfshirë kryesuesin e Presidencës së Bosnjës dhe Hercegovinës, Zeljko Komshiq, Qeverinë e Kantonit të Sarajevës dhe kryetarin e Kuvendit, Elvedin Okeriq.
Tutje këshilltarja tha se në takimet e zhvilluara, diskutimet u përqendruan rreth intensifikimit të bashkëpunimit ndërmjet 2 vendeve dhe popujve në fushën akademike, të artit, sportit, kulturës, tregtisë dhe ekonomisë.
Në këtë takim Kadaj-Bujupi ishte shoqëruar nga 2 anëtarë të Këshillit për Komunitetet nga radhët e boshnjakëve, Agim Ferati dhe Almedin Fejza. Takimet dhe diskutimet e zhvilluara kanë sjellë një perspektivë të re dhe të pasur për bashkëpunimin e ardhshëm ndërmjet 2 shteteve.
Postimi i plotë i saj:
Me ftesë të Këshillit të Kongresit të Intelektualëve Boshnjak, kam marrë pjesë në një vizitë zyrtare në Bosnjë dhe Hercegovinë.
Gjatë kësaj vizite, kam pasuar një program të pasur dhe frytdhënës në institucionet më të larta të vendit, duke përfshirë kryesuesin e Presidencës së Bosnjës dhe Hercegovinës, Zeljko Komshiq, Qeverinë e Kantonit të Sarajevës dhe kryetarin e Kuvendit, Elvedin Okeriq.
Përgjatë kësaj vizite, kemi takuar, gjithashtu edhe rektorin e Universitetit Publik të Sarajevës, Rifat Skrelj, këshilltarët në kabinetin e anëtarit Beqiroviq, z. Mehmed Pargan e znj. Hoda Dediq, si dhe përfaqësuesen në krye të komunitetit shqiptar në Bosnje e Hercegovinë, znj. Elvira Dushi.
Në takimet e zhvilluara, diskutimet u përqendruan rreth intensifikimit të bashkëpunimit ndërmjet 2 vendeve dhe popujve në fushën akademike, të artit, sportit, kulturës, tregtisë dhe ekonomisë.
Fokusi i takimeve ishte eliminimi i pengesave nga regjimi i vizave dhe burokraci të tjera, të cilat mund t`i pengojnë zhvillimin e marrëdhënieve të përbashkëta.
Në këtë udhëtim, isha e shoqëruar nga 2 anëtarë të Këshillit për Komunitetet nga radhët e boshnjakëve, Agim Ferati dhe Almedin Fejza. Takimet dhe diskutimet e zhvilluara kanë sjellë një perspektivë të re dhe të pasur për bashkëpunimin e ardhshëm ndërmjet 2 shteteve. /InLajmi/
