Evropa ka frikë nga sulmet terroriste gjatë festave të Vitit të Ri. Darko Obradoviq nga Qendra për Analiza Strategjike thotë se ekziston rrezik real sepse ka prezencë të grupeve terroriste dhe individëve që vetë-radikalizohen në një mjedis virtual, transmeton InLajmi.
“Kemi edhe konfliktin në Gaza, i cili polarizon opinionin publik dhe jep shkas për të marrë pjesë në ekzekutimin e akteve terroriste, sepse nëse lidhet me ideologjinë e Vëllazërisë Myslimane, ka një motivim të qartë, pyetja e vetme është nëse kanë kapacitete operacionale”, vlerësoi Orbadoviq dhe përkujtoi se para disa javësh në Berlin u arrestuan anëtarë të Hamasit, të cilët ishin të përfshirë në prokurimin e armëve.
Rreth 150 persona humbën jetën në sulmet terroriste në Evropë në vitin 2015 dhe 2016, ndërsa një vit më parë numri ishte deri në 15.
Kjo do të thotë se destruktiviteti i atyre akteve është ulur, por numri i arrestimeve është rritur.
Obradoviq vlerësoi se është e nevojshme të vendoset një koordinim më i mirë ndërmjet shërbimeve të inteligjencës të vendeve evropiane.
Ish-operativi i Shërbimit të Kundërzbulimit Ljuban Karan thotë se ka një nervozizëm të madh mes atyre që shërbejnë në Evropën Perëndimore për shkak të rritjes së mundësisë së sulmeve terroriste.
“2 gjëra duhet të bien dakord: një motiv i fortë dhe logjistikë e sigurt. Ata janë të vetëdijshëm se gjithçka ekziston. Ata nuk kanë frikë nga rastet individuale, por nëse ndodh një rast masiv”, theksoi Karan,shkruan Pink.rs.
Siç shtoi ai, edhe terroristët u zhytën në valët e emigrantëve./InLajmi/
