Basketboll në natë të krishtlindjeve, nuk ka gjë më të bukur në Shtetet e Bashkuara të Amerikës dhe adhuruesit e basketbollit janë kënaqur me ndeshjet e zhvilluara në NBA.
Klasikja e basketbollit amerikan mes Los Angeles Lakers dhe Boston Celtics është zhvilluar në Kaliforni, ku Celtics triumfuan me 11 pikë diferencë 115:126.
Ka qenë një ndeshje shumë interesante me 2 skuadrat që kishin epërsi, por që në fund mysafirët arritën të merrnin fitore.
Qendra letoneze Krsitaps Porzingis ishte fantastik në këtë sfidë me 28 pikë, 11 kërcime e 2 asistime.
Me lojë të mirë u dalluan edhe Jayson Tatum me 25 pikë, 8 kërcime e 7 asistime si dhe Jaylen Brown që shtoi 19 pikë të tjera, shkruan Lajmi.net
Te Lakers më i miri në fushë ishte Anthony Davis me 40 pikë e 13 kërcime, por që nuk i mjaftoi kjo paraqitje spektakolare për të marrë fitoren.
