Një ekip shkencëtarësh japonezë kanë zhvilluar një robot të quajtur “Flying Dragon Firefighter”, i cili është projektuar për të shuar zjarret.
Projekti i këtij roboti zjarrfikës, është publikuar në Frontiers in Robotics dhe Al.
“Ne këtu prezantojmë një prototip të një roboti fluturues katër metra të gjatë, të kontrollueshëm nga distanca, i projektuar për të shuar në mënyrë të sigurt dhe efikase zjarret, duke iu afruar drejtpërdrejt burimit të zjarrit”, tha Dr. Yuichi Ambe, profesor në Universitetin Osaka të Japonisë.
Bëhet e ditur se, punimet për robotin fluturues kanë filluar që nga viti 2016 nga ekipi kërkimor i laboratorit të Prof. Satoshi Tadokoro, në Universitetin Tohoku.
Roboti thuhet të përmbajë tetë fluturake uji të kontrollueshëm që derdhen nga qendra e trupit dhe koka e tij.
Gjithashtu, në funksionet e tij përfshihet edhe një karrocë me rrota, që lidhet me një tub furnizimi me ujë prej 14 mijë litrash, që derdhet me shpejtësi prej 6,6 litra në sekondë.
Dragon Firefighter, u prezantua në ceremoninë e hapjes së Samitit Botëror të Robotëve, mbajtur në vitin 2021 në Fukushima.
Atje, ai ka shuar me sukses flakën ceremoniale, në një distancë prej 4 metrash.
Profesorët universitarë, kanë thënë se po punojnë për të përmirësuar robotin, pasi mësuan se nxehtësia e zjarreve mund të shkaktojë deformim plastik në pjesët e tij, shkruan Telegrafi.
Sfidë primare në të ardhmen pritet të jetë shuarja e zjarreve në një distancë prej 10 metrave.
