MC Kresha dhe Lyrical Son, 2 nga reperat më të pëlqyer të estradës shqiptare së fundmi kanë sjellë në treg bashkëpunimin e tyre më të ri, përcjell InLajmi.
Kënga e titulluar “Shake it/ Kanga e Drake” me tekst të shkruar nga vetë reperat flet rreth një historie dashurie pas përfundimit të së cilës vajza ndryshon karakterin e saj. Nuk mungojnë as rimat e përzgjedhura me kujdes dhe metaforat të cilat artistët dinë ti përfshijnë mjaft mirë në shumë prej këngëve të tyre.
Ndonëse në stinën e dimrit, MC Kresha dhe Lyrical Son kanë vendosur që të sjellin një këngë ritmike e cila në melodinë e saj përmban pjesë të një kënge të njohur në Shqipërinë e Jugut të kënduar nga Renato Jaho të titulluar “Jalele”.
Elemente të kulturës labe tregohen edhe gjatë pamjeve të klipit teksa shihen disa valltarë duke realizuar një koreografi të një kërcimi tradicional të zonës.
Kënga e re nga artistët është pritur mjaft mirë nga publiku dhe momentalisht numëron mbi 100.000 shikime në videon zyrtare të publikuar në platformën Youtube. /InLajmi/
