Kryetari i komunës së Junikut, Ruzhdi Shehu ka reaguar pas lajmit tragjik për vdekjen e Mic Tofajt dhe bashkëshortës së tij, Fatlinda Maloku Tofaj, përcjell InLajmi.
Kryetari Shehu, i pikëlluar për vdekjen tragjike të çiftit, u ka shprehur ngushëllime familjarët e tyre, ndërsa theksoi se të ndjerët, Juniku do i kujtoj me dhimbje përherë.
Tutje, tha Shehu se Mici e Fatlinda ishin persona me virtyte të larta njerëzore por edhe si ndërmarrës të suksesshëm dhe junikas të cilët kanë kontribuar shumë për Komunën e Junikut.
Postimi i plotë i tij:
Me dhimbje të thellë e pranuam sot lajmin tragjik për humbjen e parakohshme të Mic Tofaj dhe bashkëshortes së tij Fatlinda Maloku Tofaj.
Ngushëllime familjes Tofaj dhe familjes Maloku për humbjen e papritur të më të dashurve të tyre.
Micin dhe Fatlindën, Juniku do t’i kujtoj përgjithmonë si familje shembullore, mbi të gjitha si persona me virtyte të larta njerëzore por edhe si ndërmarrës të suksesshëm dhe junikas të cilët kanë kontribuar aq shumë për Komunën e Junikut.
R Sh
