Burrë e grua humbën jetën tragjikisht në Bjeshkët e Junikut. Lidhur me rastin, telegrafi ka kontaktuar edhe me Prokurorinë Themelore në Pejë.
Zëdhënësi i kësaj prokurorie, Shkodran Nikçi ka bërë të ditur se 2 trupa të pajetë janë gjetur në një shtëpi banimi në bjeshkët e Junikut.
“Prokurori i Krimeve të rënda është duke shkuar në vend të ngjarjes. Njësitet relevante policore do bëjnë hetim rreth shkakut të vdekjes së tyre”, ka thënë Nikçi.
Ai ka shtuar se 2 trupat e pajetë do të dërgohen për autopsi në Mjekësinë Ligjore.
Zëdhënësi i policisë për rajonin e Pejës, Fadil Gashi ka deklaruar për Telegrafin se rasti i rëndë ka ndodhur sot rreth orës 11:30 në Bjeshkët e Junikut.
Gashi tha se viktima janë bashkëshortë (burrë dhe e grua) dhe se të njëjtët u gjenden të vdekur në një stan.
“Dyshohet se shkaktar i vdekjes është rryma. Viktimat dyshohet se janë asfiksuar”, tha Gashi.
