Policia e Kosovës këtë të diel në hyrje të Republikës së Kosovës në Merdar gjatë kontrollimit të një autobusi me targa të huaja, kanë hasur në disa pajisje të dyshuara ushtarake, 3 thika luftarake, 2 radiolidhje-motorola, një çantë ushtarake, një jelek taktik, një palë doreza, një helmetë taktike, 3 bateria, 2 këllëf për revole, një imtim i predhës, përcjell InLajmi.
Lidhur me rastin është njoftuar Prokurori kompetente dhe me autorizim të tij është iniciuar rasti “import , eksport, furnizim, prodhim, këmbim, ndërmjetësim ose shitje e paautorizuara e armëve”.
Pajisjet e lartcekura janë sekuestruar dhe me vendim të Prokurorit kompetent i dyshuari lirohet në procedurë të rregullte. /InLajmi/
