Golashënuesi më i mirë, Albion Rrahmani mungon në formacionin e vitit
Federata e Futbollit e Kosovës mbajti sonte ceremoninë “Laureatët 2023”.
Në këtë ceremoni çmimi “Golashënuesi më i mirë” iu nda ish-sulmuesit të Ballkanit, Albion Rrahmani.
Mirëpo, reprezentuesi i Kosovës mungoi nëformacionin më të mirë të këtij viti pavarësisht se mori “Këpucën e Artë”.
23-vjeçari në gusht të këtij viti u transferua nga kampionët e Kosovës te Rapid Bukureshti, shkruan Gazeta Express.
Në gjysmën e këtij viti sa ka qenë pjesë e elitës së futbollit kosovar, ai ka shënuar 14 gola, duke e mbyllur kështu sezonin në total me 20 gola.
