Deputeti i PDK Abelard Tahiri ka reaguar ndaj deklaratave të Kurtit në konferencën për shtyp duke e kritikuar se si e ka trajtuar situatën e Radojçiqit, përcjell InLajmi.
Në reagimin e tij Tahiri shprehet se pavarësisht ankesave, Kurti ende nuk ka sqaruar se përse Radojçiq është lënë i lirë ndonëse lëvizjet e tij kanë qenë të monitoruara në kohë reale. Sipas Tahirit Radojçiq dhe banda e tij paraqesin rrezik serioz për sigurinë e Kosovës.
Më tutje, deputeti i PDK është shprehur se Kurti e përdor sentimentin patriotik si mënyrë manipulimi.
Postimi i tij i plotë:
Albin Kurti vazhdon të ankohet për Radojçiqin, por ende nuk e ka sqaruar për publikun përse e la të lirë Radojçiqin më 24 shtator në Banjskë.
Përmes dronit të institucioneve të sigurisë, kryeministri i ka përcjellur në kohë reale lëvizjet e Radojçiqit. Megjithatë, ai dhe banda e tij u lejuan të iknin dhe sot paraqesin rrezik serioz për sigurinë e Kosovës.
Në një anë, Albin Kurti vazhdon të manipulojë me sentimentin patriotik, kurse në anën tjetër i lejoi korridor tërheqjeje Radojçiqit, pasi ishte koordinuar me të muaj më parë përmes shefes së grupit të tij parlamentar. /InLajmi/
