Një qytetar ka gjetur sot në Gjakovë një kuletë në të cilën kishte edhe para dhe të njëjtën e ka dorëzuar në polici
Në njoftimin e Policisë së Kosovës thuhet se një qytetar pasi gjeti një kuletë në të cilën kishte edhe para, ka bërë një veprim ndershmërie dhe përgjegjësie qytetare duke e dorëzuar atë në polici, shkruan EO.
“Në Stacionin Policor në Gjakovë, qytetari R. Zymberi ka dorëzuar një kuletë të cilin e kishte gjetur në rrugën “Gjergj Sokoli” në Gjakovë, dhe në të cilin kishte një patentë shoferi, 6.900 lekë, 135 euro si dhe 10 sterlina britanike. Kuleta e gjetur dhe parat pritet t’i kthehet pronarit mashkull, shtetas i Republikës së Shqipërisë i cili është kontaktuar”, thuhet në njoftimin zyrtar.
